Help Klein Brienné Krause

Klein Brienné Ester Krause, ’n bewys dat wonderwerke steeds daagliks plaasvind.

Op 27 weke swanger het ons uitgevind dat Brienné vog op haar brein het. Ons het vir ’n MRI gegaan wat dit bevestig het en ook breinmisvorming aangedui het. Ná baie aanbevelings wat anders voorgestel het, het ons besluit om met die swangerskap voort te gaan, want slegs God besluit oor lewe en dood.

Brienné is op 5 April om 15:03 gebore. Wat ’n wonderbaarlike dag was dit. 

Sy is dadelik van my af weggeneem na die NICU. My mammahart was gebreek dat ek nie my baba kon vashou soos ander mammas nie. Sy is op ’n EEG-masjien geplaas en vier dae ná haar geboorte vir nog ’n MRI geneem.
Die MRI het toe die ergste bevestig. Daar is ernstige vog en bloeding op die brein, asook groot breinmisvorming, onder meer “gladde brein” en ’n tekort aan ’n Corpus Callosum.
Brienné is tans in die NICU waar sy dapper veg. Haar eerste groot stappe is om te leer suig en drink,iets wat sy al hoe beter regkry.

Vir Adrienne en Kobie, haar ouers, is hierdie tyd ongeloofli...