Help ons weer op die pad kom

Help Ons Gemeenskap Weer Op die Pad Kom

Vir meer as 42 jaar dien die Potchefstroom Dienssentrum die gemeenskap van Potchefstroom deur ondersteuning, versorging en praktiese hulp aan mense wat op ons dienste staatmaak. Een van die belangrikste dienste wat ons lewer, is ons gespesialiseerde vervoerdiens.

Ons het onlangs 'n groot terugslag beleef toe ons rolstoeltoeganklike bus in 'n ongeluk betrokke was en as 'n totale verlies afgeskryf is.

Dit was nie sommer net nog 'n voertuig nie, 259 mense in ons gemeenskap maak gebruik van hierdie diens.

Hierdie bus was toegerus met 'n hidroliese rolstoelhyser wat dit moontlik gemaak het om rolstoelgebruikers veilig en met waardigheid te vervoer. Dit was die enigste voertuig van sy soort in Potchefstroom wat spesifiek vir hierdie doel ingerig was.

Vir baie persone met gestremdhede, ouer persone met beperkte mobiliteit en pasiënte wat nie op gewone vervoer kan staatmaak nie, was hierdie bus 'n lewenslyn. Dit het mense gehelp om by mediese afsprake uit te kom, rehabilitasiedienste te ontvang, medikas...