help oom Pottie herbou- 'n boer in nood.

Help Oom Pottie Herbou – ’n Boer in Nood
Oom Pottie, ’n toegewyde boer van Pietersburg in Limpopo, staan vandag met niks. Sy plaas, sy lewenswerk en erfenis, is afgebrand. Sy diere is gemartel. Sy huis, sy besittings, sy skuiling, alles is vernietig.

Wat het gebeur?
Oom Pottie was die teiken van doelbewuste haat. Nadat die plaas langs hom onteien is, het die nuwe inwoners begin om hom te dreig en te intimideer. Hulle het sy diere vermink. Hulle het hom dopgehou. En op die dag toe hy vir ’n paar uur weg was, het hulle sy hele opstal aan die brand gesteek.

Hy het niks oor nie. Tans slaap hy by ’n vriend, maar binnekort gaan hy terug na sy plaas toe, waar hy beplan om in ’n geskenkte tent op die gebrande stuk grond te bly. Hy het geen kos, geen klere en geen skuiling vir die winter nie. En tog sê hy:
“Ek sal nie vlug nie. Hierdie grond is myne. Ek sal dit beskerm met alles wat ek het. Die Here is my Skild.”
Sy vrou, wat tans in Pretoria werk, gaan binnekort saam met hom terugkom plaas toe. Maar hulle he...