Join the Thrive Tribe

Met my eerste besoek aan Huis Horison, was my verwagting om volwassenes met intellektuele gestremdhede te ontmoet wat hulp nodig het. Wat ek nie besef het nie, was hoe vinnig die inwoners in my hart in sou kruip. 

Wat my getref het was die eerlike glimlagte, hoflikheid, en die vriendelike manier hoe almal hanteer word, hetsy dit bekendes of nuwe besoekers is. Selfs al kommunikeer ’n inwoner moeilik, is die woorde nietemin omhul met warmte en geluk. Daar is ’n onmiskenbare wete Huis Horison meer as ’n sorg sentrum is – dit is ’n plek waar elkeen onvoorwaardelik aanvaar word, en ‘n tuiste het. 

Mense met intellektuele gestremdhede is seker van die kwesbaarste lede van ons samelewing. Hulle is afhanklik van ander om “normale” daaglikse aktiwiteite aan te pak. Hulle is nie toegerus om gevare te herken,  bekommernisse te kommunikeer of vir hulself op te staan nie. Sosiale isolasie en beperkte geleenthede kan hulle meer kwesbaar maak vir verwaarlosing, uitbuiting en misbruik, wat veilige, ondersteunende gemeenskappe soos Huis Horison so noodsaaklik maak.