Wessel DeBeer support campaign Campaign

Die gedugte span van Wessel en Vera, of Oom Billy en Tannie Vera vir ons, se lewe om klaviere te stem en te diens het skielik tot ‘n einde gekom. Oom Billy is gediagnoseer met demensie. Dit beteken dat hierdie hardwerkende paartjie van 78 wat weekliks honderde km na mense se wonings gery het om hulle klaviere te stem, nie meer so sal kan funksioneer nie.

Oom Billy het met sy besondere talent om sy gehoor te gebruik, soos blinde mense soos hy maak, en Tannie Vera se talent om te organiseer en help, het hulle 'n goeie span gemaak. Hulle het die inkomste van hulle baie harde werk en lang ure gebruik om hulself en familie aan die lewe te hou en nog altyd vir iemand iets te gee uit die diepte van hulle harte. Hulle is 'n voorbeeld vir ons almal.

Kom ons staan nou saam en help hierdie trotse mense in hulle tyd van nood.

Ons het hierdie fonds op die been gebring om te probeer bydra tot hulle vehoogte lewens en mediese uitgawes.